Там звіняць неўміручыя песні на поўныя грудзі,
Там спрадвеку гучыць мая мова, булатны клінок.
Тая гордая мова, якую й тады не забудзем,
Калі сонца з зямлёю ў апошні заглыбяцца змрок.
Уладзімір Караткевіч
21 лютага па ініцыятыве ЮНЕСКА ва ўсім свеце адзначаецца Міжнародны дзень роднай мовы. Свята ўзнікла дзеля таго, каб папярэдзіць знікненне ўнікальных гаворак і захаваць моўную разнастайнасць, падтрымаць нацыянальныя культуры, а таксама забяспечыць права кожнага чалавека на карыстанне роднай мовай. Да Міжнароднага дня роднай мовы ў ліцэі арганізавана кніжная выстава «Сэрцам роднага слова краніся», а таксама створаны QR-віктарына "Каб мова родная гучала" і буктрэйлеры "Чытаем беларускіх песняроў «Хвала жыццю, хвала каханню», «Яго песня - шэлест зораў», "Мова родная" , "Мой родны кут, як ты мне мілы..." , "Чалавек вялікай душы" .
Сёння вучні 10 класаў напісалі дыктоўку, прымеркаваную да 700-годдзя горада Ліды. Таксама вучні 11 класаў і настаўнікі прынялі ўдзел у Гродзенскім абласным дыктанце, прысвечаным Міжнароднаму дню роднай мовы. Таксама да гэтага дня вучні ліцэя N1 запісалі відэаролік з вершам беларускага паэта Петруся Броўкі “Партызанскі марш”.
